Услуги

Со професионален пристап и етички и морален кодекс на однесување, бирото за вештачење Актива Плушковски ги нуди следните услуги:

Писмено оспорување на вешт наод

Добивате 10 – 20 страни писмено објаснување за наодот на вештото лице, конкретни и директни упатства за адвокатот во писмена форма за тоа како да го одбрани својот клиент и да го испита вештото лице од спротивната страна.

Понатаму, постапно низ писмен извештај, ве водам низ наодот на вештото лице , цитирајќи ги наодите од адекватната литература, притоа елиминирајќи ги евентуалните грешки (посочувајќи корекции), и посочувањее на прашања и однапред изготвени одговори коишто можат да искрснат за време на процесот на испитување на вештакот во судот.

Независна финансиска, сметководствена и материјална анализа

Овие анализи се опсежни и изнесуваат околу 30-40 страни кои содржат анализи, пресметки, докази и наоди. Се работи по барање на самиот клиент или мислење на адвокатот кое би можело да послужи во процесот за одбрана на клиентот т.е. се дава мислење за предметот.

Прелиминарно кратко мислење – осврт на предметот

Подразбира прелиминарно писмено мислење за тоа дали е во прилог на клиентот да се ангажира вештак, дали постои доволно материјал за самото вештачење и колку тоа би помогнало или би наштетило на клиентот.

Советодавни услуги за судски спорови

Опфаќаат помош со која се проценува загубата или финансиската изложеност во различни индустриски сектори и јурисдикции. Мојот професионален став подразбира целосна поддршка на клиенти и нивните правни советници во сите фази во процесот на решавање на спорот.

Измами и финансиски истражувања

Овој процес обезбедува истражни услуги, услуги за следење и наплата на средства за утврдување на одговорност, следење на отуѓен имот и ублажување на влијанието на финансискиот и економскиот криминал.

Досегашната пракса овозможува доставување на стручни мислења, поддршка на тим од специјалисти кои комбинираат финансиски вештачења, ревизорско искуство, односно станува збор за соработка со тимови на соработници –  специјализирани во различни области, кои со своето значително искуство придонесуваат за ефикасност и професионална компетентност во обезбедување на докази потребни за судските процесите.

Комерцијално решавање на спорови

Оваа понудена експертиза вклучува разбирање на правните процеси и спорните прашања, притоа објаснувајќи ја комплексноста на прашањата како што се: намалување на добивката, губење на вредноста, потрошените издатоци, потенцијалните загуби, губење на шансите и професионална небрежност за да може Судот истите да ги прифати и да одговори на најповолен начин за клиентот.

Цена на услуги

Цената на едно вештачење се одредуца според Тарифникот на Комората на судски вештаци на РСМ и зависи од:

– Oбемот на документацијата која ќе биде предмет на вештачењето (фактури, испратници, работни налози, градежни книги, пресметковни листи од плата, банкарски изводи од трансакциска сметка, договори, останата пропратна документација од банкарски трансакции, аналитички картички, даночни картички, останати финансиски и материјални документи, извештаи од сметководствена евиденција и сл.)

– Времето потребно за вештачење

– Како и од вредноста на вештачената документација.